FASTI ROMANI

Saturday, July 16, 2011

a.d. XVII Kalendas Sextiles anno A.U.C. MMDCCLXIV (P. Ullerio C. Equitio coss.)

Ecce Fossa!

      Ecce! In pictura est fossa, quae est prope domum. In fossa est aqua, nam in deserto habito. Aqua pro agris est.  (Si linguam Latinam per librum "Ecce Romani" didicit, noli timere! Non in fossa adhaerescemus!). Habito cum cane cui nomen est "Nikita" (est vel "husky" Siberianus vel "malamute" Alascanus), et huic bono cani maxime placent ambulationes ad fossam. 

Ecce Canis "Nikita!"

     Tempestas est calidissima in Arizona, sic cum cane primo vesperi ambulo. Cani *MAXIME* placet ambulare (re vera, non debemus dicere "ambulare" Anglice - id est "walk" - nam canis valde commotus fiet! Sed canis tantum linguam Anglicam intellegit, sic possumus loqui Latine de ambulationibus).  

Ecce fossa et montes!

     Urbs Phoenix est sita in deserto prope montes. In pictura sunt montes. Nulli sunt montes in civitate Insula Rhodensi - visio est mihi nova! Trans fossam est latifundium pecoris . . . fortasse inveniam picturas latifundii pecoris pro hac ephemeride!

     Mox scibram plus de vicinia nostra!

No comments:

Post a Comment